Loading...

TAKUKURU WATOA ELIMU KWA WAFANYAKAZI WA SOUWASA

WATUMISHI wa Mamala ya ya maji safi na usafi wa mazingira Manispaa ya Songea  Mkoani Ruvuma(SOUWASA) wamepatiwa mafunzo ya kuzuia   na kupambana na rushwa ili waweze kutoa huduma bila kutoa rushwa na kuifanya kazi yao ipasavyo.

Mafunzo hayo yametolewa jana kwenye Ofisi za Mamlaka hiyo yakiendana na maadhimisha ya wiki ya maji Nchini ambayo huuadhimishwa kila mwaka kuanzia Machi 16 hadi 22 huku yakiendana na sughuli mbalimbali zinazohusu masuala ya maji.

Akizungumza kwenye  Mafunzo hayo Afisa uchunguzi mwandamizi wa Taasisi ya kuzuia na kupambana na rushwa(TAKUKURU) mkoani Ruvuma Bw. Hamisi Kidulani alisema kuwa rushwa  ni mbaya kwa kuwa  inakwamisha maendeleo  na kuwaonea wanyonge.

‘Sote tuna kila sababu ya kuichukia rushwa kwa kuwa inawanyima  haki maskini na kuzua migogoro katika jamii ambayo inapelekea uvunjifu wa amani’alisema Afisa huyo wa TAKUKURU ambaye alimwakilisha Kamanda wa  Taasisi hiyo Mkoa wa Ruvuma.

Akiichambua rushwa ya uchaguzi alisema ni mbaya sana kwa kuwa kuna kundi la watu wenye pesa wanaweza kuwanunua Wanasiasa  kwa kuwagharama gharama za uchaguzi na kuwamiliki wabunge na kisha kumnunua Rais ambapo miswada yote bungeni inakuwa inapitishwa kwa maslahi yao.

Kidulani alisema kuwa rushwa ndogo inazaa rushwa kubwa ambapo rushwa kubwa inazaa vipato duni kwa watumishi  na kwamba rushwa kubwa inatokana na tamaa na kufafanua kuwa rushwa ndogo inatokana na njaa kali kwa wananchi.

Akitaja madhara ya rushwa alisema kuwa ajali nyingi barabarani zinatokana na rushwa kutokana na barabara kutengenezwa kwa kiwango cha chini  baada ya Kandarasi za barabara kutolewa kwa rushwa.

Kwa upande wake Mkurugenzi Mtendaji wa SOUWASA,Mhandisi  Francis Kapongo ameishukuru Taasisi hiyo  kwa kuwapatia mafunzo hayo na kuomba yawe yanatolewa mara kwa mara ili kuwakumbusha na kubainisha kuwa mafunzo hayo yataongeza ufanisi katika kutoa huduma.
Mwisho



Post a Comment

CodeNirvana
Newer Posts Older Posts
© Copyright songeayetu.blogspot.com | Designed By JUNGUKUU.US
Back To Top