JOSEPH KOMBA (20) mkazi wa eneo la Madizini kata ya Lizaboni
manispaa ya Songea mkoa wa Ruvuma amehukumiwa kifungo cha miaka 15 jela baada
ya kupatikana na hatia ya makosa ya kuvunja nyumba na kuiba mali mbalimbali zenye
thamani ya shilingi 2,914,000 (milioni mbili laki tisa na elfu kumi na nne)
mali ya Happiness Yaunde mkazi wa majengo Songea.
Akisoma hukumu hiyo ambayo ilisomwa zaidi ya dakika arobaini
na tano, hakimu mkazi wa mahakama ya mkoa wa Ruvuma Kasmilly Mwalunyungu
alisema kuwa mahakama imeridhika kabisa na ushahidi uliotelewa na upande wa
mashtaka ambao ulithibitisha kuwa mshitakiwa alitenda makosa hayo huku akijua
anavunja sheria.
Mwalunyungu alifafanua zaidi kuwa mshitakiwa Joseph Komba
bila halali alitenda makosa hayo akiwa na lengo la kuiba hivyo mahakama imemtia
hatiani na kumpa nafasi ya kujitetea ambapo mshitakiwa Komba aliiomba mahakama
imfikirie kumpa adhabu ndogo kwa vile kwa sasa anatumikia kifungo cha miaka
mitano gerezani kwa kosa lingine, pia ana mke mmoja na mtoto mmoja ambao wote
wanamtegemea.
Hata hivyo mwendesha mashtaka wakili wa serikali wa ofisi ya
mwanasheria wa serikali kanda ya Songea Tulibake
Juntwa kabla ya utetezi wa mshitakiwa aliiomba mahakama impe adhabu kali
mshitakiwa kwakuwa anaonekana kuwa ni mzoefu wa uhalifu.
Kwa upande wake hakimu mkazo wa mahakama hiyo Mwalunyungu
alisema kuwa mahakama imeona kuwa mshitakiwa anamakosa hivyo inahukumu kifungo
cha miaka 10 kwa kosa la kwanza na kosa la pili mshitakiwa anahukumiwa kwenda
jela miaka 5, ambapo adhabu zote zinakwenda pamoja.
Awali mwendesha mashitaka ambaye ni wakili wa serikali Tulibake
Juntwa alidai mahakamani hapo kuwa mshitakiwa Joseph Komba mnamo februeri 19
mwaka jana majira ya saa za usiku huko katika eneo la Majengo Songea Mjini bila
halali na huku akijua anavunja sheria alivunja nyumba na kuingia kwenye chumba
anachoishi Happiness Yaunde na baada ya kuingia alifanikiwa kuiba Tevisheni
moja aina ya Panasonic, radio kaseti moja aina ya Panasonic, godoro, begi, deki
moja, shuka mbili, CD za muziki, pasi moja, suruali moja, zulia na mapazia
mawili mawili. Mali yote ina thamani ya 2914000/=
Hata hivyo mshitakiwa alikana mashitaka.
MWISHO
Post a Comment